Հայաստանի պետական կամերային երգչախումբ

Մեր մասին

Հիմնադրվել է 2000-ին` «Վաչէ և Թամար Մանուկեան» բարեգործական միության հովանավորությամբ, այնուհետև վերանվանվել է Հայաստանի Պետական կամերային երգչախումբ՝ ՀՀ Մշակույթի նախարարության կազմում: Երգչախումբը ելույթներ է ունեցել Անգլիայում, Իտալիայում, Ռուսաստանում, Ֆրանսիայում, Շվեյցարիայում և այլ երկրներում: 2007-ին հանդես է եկել Ստրասբուրգի Եվրախորհրդի համերգային դահլիճում: Երգացանկն ընդգըրկում է համաշխարհային, եվրոպական և ռուս կոմպոզիտորների ստեղծագործություններ: Երգչախումբը հայ կոմպոզիտորների գործերի նվիրյալ տարածողն է: Թողարկվել են CD-ներ` այդ թվում Տ.Մանսուրյանի ARS POETICA երգչախմբային կոնցերտի ձայնագրությամբ (,,ECM Records”): Երգչախումբը մասնակցել է միջազգային հեղինակավոր փառատոնների:

Ստեղծվել է 2000թ, «Վաչե  և Թամար Մանուկեան» բարեգործական միության  հովանավորությամբ, գեղարվեստական  ղեկավար  և  գլխավոր  դիրիժոր Ռոբերտ Մլքեյան:

2001-ին երգչախումբը  3 անգամ համերգներով հանդես է եկել  Լոնդոնում: 2006-ին   մասնակցել է Իտալիայի Բերգամո քաղաքում  կայացած ժամանակակից երաժշտության միջազգային փառատոնին: Նույն թվականին համերգներով հանդես էլ եկել  Սանկտ Պետերբուրգի  «Սպիտակ դահլիճում»  և  Եկատերինյան  պալատում՝ որով եզրափակվեց  Ռուսաստանում Հայաստանի մշակույթի տարին: 2007-ին երգչախումը բացառիկ համերգով հանդես է եկել  Ստրասբուրգի Եվրախորհրդի համերգային  դահլիճում:

Հյուրախաղերով  ելույթներ  է  ունեցել Լոնդոնում,  Փարիզում, Ժնեվում, Թբիլիսիում, Գորիում,  Մոսկվայում, Սանկտ- Պետերբուրգում,  Ֆրանկֆուրտում ,Ստրասբուրգում,  , Բերգամոյում, Տորոնտոյում, Օտտավայում, Նիագարայում, Դրեզդենում:

2009-ին ,  Կոմիտասի ծննդյան 140 ամյակի կապակցությամբ  երգճախումբը մեծ հաջողությամբ համերգ-դասախոսություններով հանդես է եկել ֆրանսիայում և Շվեցարիայում:

2015-ին Հայոց ցեղասպանության 100-րդ տարելիցի միջոցառումների շրջանակներում համերգներ է ունեցել Շվեյցարիայում (Բերնի կենտրոնական տաճար Ցյուրիխ), Լիբանանում, Արգենտինայում, Հունաստանում (Աթենք, Սալոնիկ):

Ելույթներ է ունեցել այնպիսի հեղինակավոր դահլիճներում ինչպիսիք են՝

Սեն-Լուի տաճար,  Սալ Գավո (Փարիզ), Սպիտակ դահլիճում, Սմոլնի տաճարում, Գլազունովի դահլիճում (Սանկտ Պետերբուրգ), Եվրախորհրդի դահլիճում-«Salle Schwietzer at the Palais de la Musique et des Congres of Strasbourg» (Ստրասբուրգ), Դոնիցետտիի օպերային թատրոնում (Բերգամո), ,,Ֆրաուկիրխե տաճար,, (Դրեզդեն),  Կոլոն օպերային թատրոնում (Բուենոս Այրես), ,,Մեգարոն,,  համերգասարահում(Աթենք):

Կամերային երգչախմբի մեծագույն  ձեռքբերումներից  կարելի է համարել համաշխարհային ճանաչում ունեցող ECM Records-ի թողարկած Եղիշե Չարենցի 10 բանաստեղծությունների հիման վրա գրված Տիգրան Մանսուրյանի  «ARS POETICA» երգչախմբային կոնցերտի ձայներիզը, որը  2006-ին համաշխարհային երաժշտական գեղխորհրդի կողմից ստացավ 5 աստղ ամենաբարձր վարկանիշը, որի ամբողջական  ինֆորմացիան  զետեղված է անգլիական  «THE  GRAMOPHONE»  երաժշտական  պատվավոր կատալոգի  էջերում :

Երգչախմբի բազմաժանր  երգացանկում ընդգրկված են   համաշխարհային  կոմպոզիտորների խմբերգային  և ոկալ–սիմֆոնիկ բազում ստեղծագործություններ, վաղ միջնադարից մինչև այսօր, այդ թվում   կատարվել են բազմաթիվ Հայաստանյան պրեմիերաներ:

ՀՊԿԵ-ի կարևոր առաքելությունը հայ կոմպոզիտորների ստեղծագործությունների քարոզչությունն է:  Փայլուն կատարում է Կոմիտասի, ինչպես նաև ժամանակակից հայ կոմպոզիտորների ստեղծագործությունները: Երգչախումբը հանդես է եկել համաշխարհային պրեմիերաներով` կատարելով Տիգրան Մանսուրյանի, Դավիթ Հալաջյանի,Երվանդ Երկանյանի, Էդուարդ Հայրապետյանի եվ այլ կոմպոզիտորների ստեղծագործությունները:

Երևանում հաճախակի տեղիունեցող համերգների հետ մեկտեղ ՀՊԿԵ իրագործում է բարեգործական ծրագրեր` բազմաթիվ ստեղծագործությունների կատարումներով հանդես գալով ուսումնական հաստատություններում և Հայաստանի մարզերում` երգչախմբային արվեստը ներկայացնելով Հայաստանի լայն հանրությանը:

 

 

Երգչախումբը գործում է շնորհիվ մեր գլխավոր հովանավոր 
«Վաչէ և Թամար Մանուկեաններ» բարեգործական հիմնադրամի:

Մեր երախտագետ ենք նաև այլ կազմակերպությունների` մեր գործունեությանը նպաստելու համար.
ՀՀ մշակույթի նախարարություն
ՀՀ արտաքին գործերի նախարարություն
Արմենիա Թրավել +M
Հայաստան ծառատունկ
ԱԿԲԱ – ԿՐԵԴԻՏ ԱԳՐԻԿՈԼ ԲԱՆԿ
ՕՐԱՆԺ Հիմնադրամ
Գրանտ Թորնթոն Ամյո
ՀԱՅԱՍՏԱՆ համահայկական հիմնադրամ
Նինա Հովնանյանի Հայկական Գանձերը
Պրինտինֆո
ՎիվաՍելլ-ՄՏՍ
Զիգզագ
Զվարթնոց օդանավակայան

Նորություններ

Հայ կոմպոզիտորների ստեղծագործություններ

Սիրով տեղեկացնում ենք, նոյեմբերի 2-ին ժամը 19:00-ին տեղի կունենա Հայաստանի պետական կամերային երգչախմբի համերգը Կոմիտասի անվան կամերային երաժշտության տանը:

Ծրագրում՝ &nbs

Դիտել

Հեղինակային երեկո նվիրված Տիգրան Մանսուրյանին

Սիրով տեղեկացնում ենք, նոյեմբերի 18-ին ժամը 18:30-ին տեղի կունենա Հայաստանի պետական կամերային երգչախմբի, Հայաստանի պետական կամերային նվագախմբի, Երևանի Պետական Կամերային Երգչախմբի, Գյ

Դիտել

Գեղարվեստական ղեկավար

Ռոբերտ   Մլքեյան

Հիմքում ունենալով ջութակահարի մասնագիտություն` ակներեվ է , որ սիմֆոնիկ նվագախմբի տեմբրային բազմազանությունը եվ հագեցվածությունը շատ գրավիչ են Մլքեյան երաժշտի համար: Դիրիժորի մասնագիտությունը նրա դեպքում բնականոն ընտրվեց: Այդ մասնագիտության հիմքերը դրվեցին համաշխարհային անհերքելի հեղինակություն վայելող Պետերբուրգյան դիրիժորական դպրոցում, որտեղ Մլքեյանը զուգահեռաբար ուսանեց եվ տիրապետեց երկու մասնագիտության` մեկը օպերային եվ սիմֆոնիկ դիրիժորություն, երկրորդը` երգչախմբային դիրիժորություն: Այնուհետեվ Երեվան, ասպիրանտուրա եվ քսանյոթ տարվա հսկայական մասնագիտական փորձ`
· Երևանի Կոմիտասի անվան կոնսերվատորիայի կոմպոզիցիայի և երաժշտագիտական ամբիոնի ուսանողների երգչախումբ:
· Կոնսերվատորիայի երիտասարդական երգչախումբ, հանրապետական մրցույթի «Gran-pri» մրցանակ, որին ... Դիտել

Երգիչներ

Տնօրինություն

Հետադարձ կապ

ՀՊԿԵ
Հայաստանի պետական կամերային երգչախումբ

ՀՀ, Երևան
0025, ք. Երևան, Իսահակյանի 1
+37410526725, +37491601515